|
|
На 08.04.2008
во Скопје се одржа
Microsoft Technology Update Event на кој беа презентирани најновите продукти на
компанијата: Windows Server 2008, Visual Studio 2008 и Sql Server 2008. Настанот
беше организиран под мотото „Хероите се {тука}„ со активна поддршка и учество на
локалните кориснички групи. Членовите на здружението SQL PASS - Александар Талев
и Роберт Лакински преку своја презентација ги претставија најновите можности на
MS Sql Server 2008.
|
|
|
На 19.04.2007
се одржа состанок на
здружението PASS под покровителство на Microsoft Македонија, а на кое
присуствуваа IT експерти од фирмите Семос, Кибс, Народна Банка, Пексим, МВР,
Комерцијална Банка и Дигит. На состанокот беше констатирано дека SQL/DEV Web
форумот во моментот како технички форум е најразвиен во Македонија, а посебно се
истакнува базата на знаење на SQL Server теми со извонредно богатата колекција
на одговорени многу често комплексни прашања.
Договорени се идни активности на PASS и тоа во облик на посета на PASS самитот
во Барселона, периодични работни средби, презентации, како и проширување на
темите на SQL / DEV форумот. |
|
|
Maкедонија го доби својот прв MVP (Most
Valuable Professional). Александар Талев, вработен во Семос
Компјутери, го доби ова признание од Microsoft како потврда за долгогодишната
работа и посветеност на Microsoft технологиите. Microsoft Most Valuable
Professional (MVP) програмата им оддава признание и благодарност на истакнатите
членови на техничките заедници за нивната посветеност и желба да им помогнат на
другите, како и за непроценливата online и offline експертизата кои тие ја
пружаат.
MVP личностите се технички експерти од ширум светот, кои ги инспирираат другите
да учат и се развиваат преку активно учество во техничката заедница. Тоа што
сите личности со титулата MVP го имаат заедничко е нивната страст према
технологијата и желбата неа да ја поделат со други. Тие тоа го прават преку
книги и статии кои тие ги објавуваат, web страниците со кои управуваат,
корисничките групи во кои тие учествуваат, презентациите и тренинг сесиите кои
ги одржуваат, како и прашањата кои тие ги одговараат во техничките news групи и
message бордови.
Microsoft-овите MVP личности се група на индивидуалци на кои Microsoft со
задоволство им оддава признание и награда MVP, како нивен начин на благодарност
за демонстрираната посветеност во техничките заедници ширум светот. |
|
|
Macedonian SQL Server Professional Association
(PASS) е волонтерско здружение на корисниците на системот за
управување со релационата база на податоци – Microsoft SQL Server како и на
програмери кои ги користат развојните алатки или јазици на Microsoft. Во
здружението влегуваат администратори, програмери, тренери и сите други кои се
заинтересирани за стручни дискусии и размена на искуства.
Сите придонеси во работата на здружението се волонтерски и бесплатни, а после
презентирањето стануваат јавна сопственост. Областите кои се обработуваат во MK
SQL PASS групата се сите теми кои се однесуваат на Microsoft SQL Server и развој
на апликации на MS платформи. |
|
|
Главните теми се:
- Систем
за управување со релациони бази на податоци - SQL
Server
- Мултидимензионални структури –
Analysis Services, Data Mining
- Трансфер и трансформација на
податоци – SSIS, DTS
- Пристап на податоци преку апликации
- ADO (MD) ADO.NET, OLE DB, LINQ
- Администрација на SQL Server преку
апликации – SMO, DMO, DSO
- Клиенти - Office 2000, XP, 2003
(само како BackOffice клиент )
- .NET како технологија и стандард
- .NET развојните алатки како на пр.
Visual Studio .NET, CodeGear RAD Studio
- .NET програмски јазици и технологии
како - VB.Net, C#, ASP.NET,
WinForms, WCF, WPF, VCL.Net
- Internet Information Server (IIS)
- Windows, Web или Service решенија
- Вести, презентации и извештаи од
случувањата на Microsoft
- ...
|
|
|
english
